WAZEE ZAIDI YA 2000 KATA YA KABUKU HALMASHAURI YA WILAYA YA HANDENI WAPATIWA KADI ZA UTAMBULISHO WA WAZEE KWAAJILI YA KUPATA HUDUMA ZA MATIBABU BURE.

Imerushwa: January 10th, 2018

Wazee  zaidi ya 2000 wa Halmashauri ya Wilaya ya Handeni Kata ya Kabuku wamepatiwa kadi ya utambulisho wa wazee kwa awamu ya pili  ili kuweza kupata huduma ya matibabu bure kwa wazee.

 Mkuu wa  Wilaya ya Handeni Mh. Godwin Gondwe  ametoa kadi hizo kwa wazee  jana wakati akizindua zoezi hilo kwa awamu ya pili na kuwasisitiza wazee kumripoti mtu yeyote atakayeonekana ni kikwazo kwa kupata huduma kwenye vituo vinavyotoa huduma za afya pamoja na kuwa na kadi ya utambulisho wa wazee.

  Amewataka viongozi ngazi ya Tarafa ,Kata na Vijiji kusimamia utoaji wa fedha kiasi cha laki mbili (200,000)  zinazotolewa na Serikali za  Vijiji kwa mwaka kwaajili ya kuchangia huduma za matibabu bure kwa wazee.

 Zoezi la utoaji wa kadi za  utambulisho kwa wazee ulianza Novemba 23mwaka2017 ambapo Halmashauri imelenga kutoa kadi hizo kwa wazee 1717 wa Halmashauri ya Wilya ya Handeni.

Baadhi ya wazee wa Kata ya Kabuku waliojitokeza kupokea kadi za utambulisho wa wazee

Mh.Diwani Kata ya Kabuku Amina Mnegero akitoa kadi ya utambulisho wa mzee kwa mmoja wa wazee

Mkuu wa Wilaya ya Handeni Mh.Godwin Gondwe akizinduz zoezi kwa kutoa kadi ya utambulisho wa wazee kwa mmoja wa wazee.