Imerushwa: December 14th, 2022
Aliyekuwa Mkurugenzi Mtendaji wa Halmashauri ya Wilaya ya Handeni Ndugu William M. Makufwe ambaye kwa sasa ni Mkurugenzi Mtendaji wa Halmashauri ya Makete iliyopo Mkoa wa Njombe atembelea Halmashauri ya Handeni kwa ajili ya kuwasalimia watumishi wa Handeni wakati akipita kutokea Mkoani Arusha Kurudi Mkoani Njombe.
Bwana Makufwe amefurahi kukutana na watumishi wa Handeni na amefaririjika kuona majengo aliyoyaacha yakiendelea kujengwa sasa yamekamilika na yanatumika pia amepata fursa ya kupanda mti wa matunda kwenye eneo la Makao Makuu ya Halmashauri ambayo ni muwasisi wa ujenzi wa jengo la Makao Makuu ya Halmashauri ya Handeni linalotumika kwasasa.
Aidha Ndg. William Makufwe amempongeza Mkurugenzi Mtendaji waHalmashauri ya Handeni pamoja na viongozi wa Handeni kwa usimamizi mzuri wa majengo ya Makoa makuu na ujenzi wa Hospitali ya Wilaya ambapo pia amewatakia utelekezaji mwema wa miradi yote inayoendelea kujengwa kwenye Halamshauri ya Handeni.
Afisa Rasilimali watu na Utawala wa Halmashauri ya Handeni Bw. Omary Mkangama amemshukuru Mkurugenzi huyo kwa kutembelea Handeni na kuendelea kujenga Uhusiano mwema baina ya Handeni na Halmashauri ya Makete.
Bw. Wiliam M. Makufwe akipanda mti kwenye eneo la Jengo la Makao Makuu ya Halmashauri.
Afisa Rasilimali watu na Utawala wa Halmashauri ya Handeni Ndg. Omary Mkangama akipanda mti wa matunda.
