WAFANYAKAZI WILAYANI HANDENI WAMEUNGANA NA WAFANYAKAZI ULIMWENGUNI KOTE KUADHIMISHA SIKU YA WAFANYAKAZI DUNIANI.

Imerushwa: May 2nd, 2017

Wafanyakazi Wilayani Handeni wameungana na wafanyakazi ulimwenguni kote kuadhimisha Siku ya Wafanyakazi Duniani katika Viwanja vya Chanika mjini Handeni.

Mgeni rasmi Mkuu wa Wilaya ya Handeni aliyewakilishwa na Katibu Tawala Wilaya ya Handeni, John Mahali aliwataka Wakurugenzi wa Halmashauri na Waajiri wote Wilayani Handeni kuweka utaratibu mzuri wa:-

• kuandaa vitambulisho vya wafanyakazi vitakavyokuwa na mihuri ya Halmashauri husika na taasisi zote na nembo ili kuzuia wafanyakazi kutokujitengenezea vitambulisho kiholela.
• Waajiri kuhakikisha wanaandaa na kutunza nyaraka za wafanyakazi ikiwa ni pamoja na barua za ajira, kupanda vyeo na barua za kuthibithishwa kazini na kuwapatia nakala husika wafanyakazi.
• Vyama vya wafanyakazi kushirikishwa katika michango ya maendeleo inayochangishwa kwa wafanyakazi kuweka utaratibu unaoeleweka.
• Halmashauri ya Wilaya ya Handeni na vyama vya wafanyakazi kushughulikia suala la ucheleweshaji wa mafao ya watumishi baada ya kustaafu.
• Wafanyakazi kutumia bima ya afya kuchunguza afya zao mara kwa mara.
• Zawadi kwa wafanyakazi bora kutolewa mapema.

Maadhimisho ya siku ya wafanyakazi mwaka 2017, yaliongoza na kauli mbiu isemayo “Uchumi wa Viwanda uzingatie kulinda Haki, Maslahi na Heshima ya Wafanyakazi”. Maadhimisho hayo yalihusisha Halmashauri mbili za Wilaya ya Handeni na Mji wa Handeni .

wafanyakazi wakiwa kwenye maandamano yaliyoanzia makao makuu ya Wilaya ya Handeni kuelekea uwanja wa chanika uliopo Halmashauri ya Mji Handeni.

meza kuu ikiongozwa na Katibu tawala Wilaya wa kwanza kushoto Bw. John Mahali akifuatiwa na Kaimu Mkurugenzi Wilaya Bw. Simon Mdaki na kamati ya ulinzi na usalama.

baadhi ya wafanyakazi walioshiriki maadhimisho hayo

Katibu Tawala Wilaya Bw. John Mahali akizungumza na wafanyakazi.

viongozi wakiwa tayari kutoa zawadi kwa wafanyakazi bora wa 2017 wakiongozwa na mgeni rasmi Bw. John Mahali mwenye suti nyeusi akifuatiwa na kaimu wakurugenzi wa Handeni Vijijini na Mji.

Afisa mifugo Wilaya ya Handeni akipokea zawadi ya cheti.

wafanyakazi wakiburudika kwa kucheza.